Charter Document - 06760205
| Charter Number: | 06760205 |
|---|---|
| Cartulary Title: | Charters and Records of Hereford Cathedral |
| Charter Language: | Latin |
| Charter Origin: | Religious |
| Charter Type(s): | Inquisition |
| Date: | 1295 |
| Date type: | Internal, A.D., Calendar |
| Resource Link(s): |
|
Charter:
Auctoritate mandati super premissis feci inquisicionem diligentem per quam inveni quod ecclesia de Longastauntone vacat per mortem domini Walteri ultimi rectoris ejusdem et quod domini prior et conventus de Wenlok ad eandem ultimo presentarunt et quod preceptor de Lydle alias cum dicta ecclesia vacaverat suscitavit litem in curia regia contra predictos priorem et conventum de Wenlok super jure patronatus ecclesie sepe dicte et quod iidem prior et conventus de Wenlok jus suum evicerunt in curia regia et ad eandem ecclesiam bis postmodum presentarunt dicitur eciam quod prior et conventus de Wenlok jus patronatus predicte ecclesie dominis decano et capitulo Herefordensibus in liberam et perpetuam elemosinam contulerunt Et hoc eciam vestre paternitati reverende significo per presentes Altissimus vos conservet ad regimen ecclesie sue sancte per tempora diuturna Datum Herefordie septima die mensis Aprilis anno Domini MCC nonagesimo quinto