Charter Document - 06760202

In Dei nomine Amen Cum inter nos Johannem decanum et capitulum ecclesie Herefordensis ex una parte et nos Johannem de Swynfeud predicte ecclesie thesaurarium ex altera super percepcione duarum parcium oblacionum cere que sint ad tumbas bone memorie domini Thome de Cantilupo quondam episcopi Herefordensis necnon super realitate et perpetuitate percepcionis earundem nuper suborta fuisset materia questionis tandem pro bono pacis nos decanus et capitulum et nos dictus thesaurarius pure absolute vera et spontanea voluntate ordinacioni dicto laudo et voluntati prefati nostri venerabilis patris domini Ricardi [] submisimus ita videlicet quod de percepcione dictarum duarum parcium cere ordinet et statuat quod sibi videbitur expedire ad honorem Dei et utilitatem ecclesie Herefordensis ad vitam vel cessionem dicti thesaurarii De perpetuitate autem seu realitate percepcionis cere predicte in utilitatem et usum ecclesie communem perpetuo applicande dicto domino Johanne thesaurario cedente vel decedente ordinet et diffiniat de consilio decani et aliquorum canonicorum residencium quos duxerit advocandos ad tractandum et providendum formam honori et utilitati ecclesie condecentem ita quod ista ordinacio citra festum sancti Johannis Baptiste modis omnibus terminetur et ut hec nostra submissio robur optineat nos [] Datum in capitulo nostro Herefordensi prima die mensis Aprilis anno Domini MCC nonagesimo tercio