Charter Document - 06760199

Noverint universi quod cum inter J[ohannem] decanum et capitulum Herefordensis ecclesie ex parte una et magistrum Alanum de Creppingge quondam procuratorem constitutum a prefato capitulo ad prosequendum in Romana curia negocium canonizacionis bone memorie domini Thome de Cantilupo olim episcopi Herefordensis ex altera super stipendiis et expensis et quibusdam aliis aliqualis altercacio esset suborta tandem ipsa in hunc modum quievit quod dictus magister Alanus peticionem stipendiorum et expensarum querelam injusti sequestri et cujuscumque alterius injurie et omne aliud quod sibi competiit et competit ad petendum occasione procuracionis hujusmodi dictis decano et capitulo et cuilibet canonico dicti capituli transigendo remittit et prefati Johannes decanus et capitulum eidem magistro Alano remittunt omnem accionem quam habent et habere possent contra eum ex eo quod imponebatur ei quod nichil egit in curia vel quod magis pro expensis recepit quam meruit vel quod minus discrete gessit dictum canonizacionis negocium vel de eo quod de pecunia vel ministerio vel de litteris vel de quibuscumque rebus ab eo receptis racione dicti canonizacionis negocii sufficiens raciocinium aut sufficientem non reddidit racionem vel quod ipse dicebat de quibusdam articulis non fuisse transactum vel quod dicebat quedam transacta non esse servata et omnia alia que ipsis competere possint contra eum racione dicti canonizacionis negocii vel egestionis ipsius ut hinc inde omnia sint remissa que hinc inde competere possint occasione dicti negocii vel gestionis ipsius exceptis viginti duabus marcis quas idem magister Alanus predictis Johanni decano et capitulo solvere tenetur scilicet xi marcas incontinenti et alias undecim in natali Domini In cujus [] Datum Herefordie die Martis proxima post festum beati Jacobi apostoli anno Domini MCC nonagesimo primo