Charter Document - 06760197

In nomine Dei Amen Noverint universi [] quod constitutius in judicio coram nobis magistro Guidotto de Mediolano archidiacono Bergamensi domini pape capellano causarum curialium Romane curie necnon super appellacionum causis Campanie Maritimeque generali auditore Lapo Guidonis cive et mercatore Pistoriensi de Societate Ammanatorum de Pistorio pro se ipso et pro Laudo domini Azonis Bandino Ammanati Nesio et Cotto Bartholomei Martino et Marco Jacobi Jacobo et Lante domini Agolantis Lapo domini Baruchi Grado Pini Paulo Epine et pro ceteris suis sociis et predicte civitatis civibus et mercatoribus Pistoriensibus et nomine cujuslibet eorum in solidum ex parte una et magistro Alano de Creppinge canonico Herefordensi procuratore venerabilium virorum capituli Herefordensis procuratorii nomine pro eis et suo eciam proprio et privato nomine et quolibet modo in solidum ex altera idem Lapo nomine quo superius dixit et proposuit quod ipse Lapo nomine suo et sociorum suorum mutuum solvit et mutuavit eidem magistro Alano sexaginta marcas bonorum novorum et legalium sterlingorum tresdecem solidis et quatuor denariis sterlingorum pro marca qualibet computatis de pura et vera sorte Quas sexaginta marcas [] dictus magister Alanus procurator nomine dicti capituli eciam nomine proprio et privato promisit eidem Lapo suo ac sociorum nomine legitime stipulanti reddere et solvere eisdem mercatoribus Pistoriensibus aut uni cuicumque eorum in solidum aut eorum vel unius eorum certo ad hoc constituto seu constituendo procuratori usque ad unum annum proximum futurum in civitate Londoniarum prout in publico obligatorio instrumento super hoc manu Milliaccii de Querciola Florentinensis dioecesis imperiali auctoritate notarii publici edito et sigillo dicti magistri Alani munito plenius continetur propter quod eidem magistro Alano nomine suo et procuratorio nomine dicti capituli et per eum ipsi capitulo cujus procurator existit per nos sub interdicti et excommunicacionis pena ac peremptorie petiit precipi et mandari ut predictas sexaginta marcas bonorum [] dent solvant et restituant sibi et predictis creditoribus [] Idem vero magister Alanus de Creppinge canonicus Herefordensis habens mandatum speciale ad hujusmodi debitum confitendum suo proprio et privato nomine et procuratorio [] statim debitum recognoscens prefatum confessus est et recognovit in judicio coram nobis predicta omnia et singula ut narrantur vera esse et consensit expresse petitis volens nihilominus et expresse consenciens quod si elapso hujusmodi termino predicta pecunia persoluta non fuerit et facta monicione in audiencia publica non constiterit predictam pecunie quantitatem eisdem mercatoribus integre persolutam aut in termino monicionis hujusmodi non proposuerit causam racionabilem quare ad predictam pecuniam persolvendam minime teneantur quod ex tunc ad interdicti in ipsum capitulum et excommunicacionis sentenciam contra ipsum magistrum Alanum preferendum possumus procedere et processus alios facere prout nobis videbitur expedire se ipsum procuratorio nomine quo superius et suo eciam proprio et privato nomine et per eum prefatum capitulum Herefordense propter hoc jurisdiccioni nostre specialiter submittendo Unde nos habitis et auditis peticione et confessione aliisque premissis sic sponte factis in judicio coram nobis eundem magistrum Alanum suo et procuratorio nomine ipsius capituli et per eum ipsum capitulum monemus quod primo secundo et tercio monicionis edicto ac ipsi magistro Alano suo proprio et privato nomine et sub interdicti in ipsum capitulum et excommunicacionis pena in eundem magistrum Alanum districte precipimus et mandamus quod predictas sexaginta marcas bonorum [] dent integre et solvant dicto Lapo aut uni [] In cujus rei [] Datum et actum apud Urbemveterem in hospicio nostro presentibus Milliaccio de Querciola notario publico Petro de Bucclano et Aloisio notariis nostris testibus ad premissa sub anno nativitatis Domini millesimo ducentesimo nonagesimo indiccione tercia die prima mensis Septembris pontificatus domini Nicolai pape quarti anno tercio