Charter Document - 06760191
| Charter Number: | 06760191 |
|---|---|
| Cartulary Title: | Charters and Records of Hereford Cathedral |
| Charter Language: | Latin |
| Charter Origin: | Religious |
| Charter Type(s): | Indulgence |
| Date: | 1285 |
| Date type: | Internal, A.D., Calendar |
| Resource Link(s): |
|
Charter:
Universis [] Godefridus permissione divina minister ecclesie Wygorniensis salutem [] Cupientes per allectiva indulgenciarum munera mentes ac animos devotorum ad pietatis opera propensius excitare de Dei omnipotentis misericordia gloriose virginis Marie beatorum apostolorum Petri et Pauli necnon sanctorum confessorum Oswaldi et Wulfstani omniumque sanctorum meritis confidentes singulis parochianis nostris et aliis quorum dioecesani hanc nostram indulgenciam ratam habuerint de peccatis suis vere contritis penitentibus et confessis qui ecclesiam cathedralem Herefordensem gracia devocionis adierint et pro anima bone memorie Thome de Cantilupo quondam antistitis loci ejusdem cujus corpus altari beare Marie virginis in dicto monasterio ecclesiastice traditur sepulture ac pro omnium fidelium requie defunctorum oracionem dominicam cum salutacione angelica dixerint mente pia quadraginta dies de injuncta sibi penitencia misericorditer relaxamus Datum apud Doytone iii nonas Januarii anno Domini MCCLXXX quarto