Charter Document - 06760181
| Charter Number: | 06760181 |
|---|---|
| Cartulary Title: | Charters and Records of Hereford Cathedral |
| Charter Language: | Latin |
| Charter Origin: | Lay |
| Charter Type(s): | Provision |
| Date: | 1277 |
| Date type: | Internal, A.D., Feast |
| Resource Link(s): |
|
Charter:
Omnibus [] Rogerus de Clifford miles salutem in Domino Noveritis me teneri venerabilibus viris decano et capitulo Herefordensibus in trescentis marcis sterlingorum in quibus felicis recordacionis Gregorius papa decimus certis ex causis me per confessionem meam condemnavit eisdem venerabili patre Cantuariensi archiepiscopo executore super hoc deputato prout in ejusdem domini Gregorii litteris ipsi archiepiscopo directis super hoc plenius continetur Quam pecunie summam me eisdem soluturum promitto corporali prestito juramento terminis inferius annotatis in festo sancti Michaelis decem marcas et in festo annunciacionis beate Marie decem marcas et sic de anno in annum annis singulis usque ad quindecim annos quousque de dictis trecentis marcis eisdem decano et capitulo fuerit plenaria satisfactum Pro qua quidem pecunie summa eisdem decano et capitulo fideliter reddenda ut predictum est trado et concedo eisdem viginti marcas annui redditus in maneriis meis de Themedebury et Bruges super Wayam habendas et tenendas ad terminum quindecim annorum in solucionem dictarum trecentarum marcarum videlicet apud Themedebury sex decem marcas et apud Bruges super Wayam quatuor marcas Et si quod absit memorati decanus et capitulum predictum redditum viginti marcarum casu contingente aliquo anno ad plenam non habuerint promitto et teneor pro me et heredibus meis illud quod de dicto redditu defuerit de nostro proprio sine dilacione qualibet reddere et resarcire Volo eciam et concedo sub debito prestiti juramenti pro me et heredibus meis quod liceat predictis decano et capitulo et eorum ballivi quem ad hoc duxerint deputandum tenentes ipsos in dictis maneriis per quorum manus predictas viginti marcas recipere debent distringere et districcionem tenere in parco suo proprio infra predicta maneria vel extra si contingat dictos tenentes deficere in solucione annui redditus supradicti Et insuper concedo quod memoratus dominus archiepiscopus qui nunc est vel alius qui pro tempore fuerit me juxta formam apostolici mandati predicti ad solucionem dictarum trecentarum marcarum et ad observacionem omnium premissorum me compellat si quod absit me contingat non attendere vel observare que superius sunt expressa Et ego et heredes mei prenominati redditum viginti marcarum eisdem decano et capitulo contra omnes homines tam Judeos quam Christianos warantizabimus acquietabimus et defendemus usque ad finem termini supradicti In cujus rei [] Datum Herefordie die dominica proxima post festum translacionis sancti Thome martiris anno Domini MCC septuagesimo septimo