Charter Document - 06760180

Noverint universi [] quod nos decanus et capitulum Herefordenses anno Domini MCCLXX quinto in festo sancti Johannis Baptiste concessimus domino Thome le Breton concanonico nostro dominicum nostrum de Breyntone cum edificiis et aliis pertinenciis suis quo ad dominicum salvis nobis decimis de predicto dominico provenientibus absque omni instauro et instrumento set terram bene seminatam tam de frumento quam de avena et bene warectatam et resinatam ad firmam suo perpetuo possidendam primo anno pro duodecim marcis sterlingorum duobus anni terminis solvendis [] et postmodum singulis annis sequentibus pro decem marcis duobus anni terminis [] Quam solucionem dictus dominus Thomas sub obligacione omnium bonorum suorum mobilium et immobilium fideliter facere promisit ita videlicet quod si absit dictus dominus Thomas et a dicta solucione in toto vel in parte defecerit liceat nobis decano et capitulo vel ebdomadario cum consilio canonicorum presencium dictum dominum Thomam et bona sua omnia ibidem et alibi inventa sine strepitu judiciali distringere et ad satisfaciendum tam de debito quam de toto interesse ad fidele arbitrium nostrum et ebdomadarii taxandis pro libito nostre voluntatis compellere Renunciavit eciam dictus dominus Thomas omni impetracioni cavillacioni et omni juris remedio canonici et civilis et [promisit] quod ipso cedente vel decedente ipse vel executores sui dictum dominicum nostrum warectatum et resinatum cum edificiis et aliis pertinenciis suis in adeo bono statu vel meliori quo ipsum recepit restituet vel restituent Et de bosco preterquam ad usus necessarios dicti dominici nichil percipiet In predictorum testimonium [] Datum in capitulo nostro Herefordensi die Martis proxima post festum beati Petri quod dicitur ad vincula anno Domini MCCLXX quinto