Charter Document - 06760175
| Charter Number: | 06760175 |
|---|---|
| Cartulary Title: | Charters and Records of Hereford Cathedral |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1274 |
| Date type: | Internal, A.D., Calendar |
| Resource Link(s): |
|
Charter:
R[obertus] permissione divina Cantuariensis archiepiscopus [] venerabili in Christo fratri domino Dei gracia Herefordensi episcopo salutem in salutis auctore Quia fida relacione intelleximus porcionem vicarii de Lideneia quoad facultates illius ecclesie esse nimis tenuem et exilem tenore presencium vobis in virtute obediencie firmiter injungendo mandamus quatinus ipsius ecclesie facultatibus et omnibus tam ordinariis quam extraordinariis supportandis in ipsa per vos seu per aliquos fide dignos vestro capitulo vel predicto vicario non suspectos diligenter ponderatis eidem vicario et suis successoribus porcionem congrue convenientem ad minus terciam partem omnium bonorum spectancium ad dictam ecclesiam infra quindecim dies a percepcione presencium assignetis appellacione seu reclamacione aliqua non obstante ipsumque in corporalem possessionem porcionis hujus inducatis et defendatis inductum contradictores et rebelles si necesse fuerit per censuram ecclesiasticam compescendo Valeatis in domino Jesu Christo Datum Radinges iij kalendas Februarii anno Domini MCCLXX tercio