Charter Document - 06760172
| Charter Number: | 06760172 |
|---|---|
| Cartulary Title: | Charters and Records of Hereford Cathedral |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1272 |
| Date type: | Internal, Regnal |
| Resource Link(s): |
|
Charter:
Dominus rex mandavit domino Radulfo de Hengham et sociis suis itinerantibus in comitatu Herefordie anno regni regis Henrici filii regis Johannis lvi quod inquireret per sacramentum xii tam militum quam aliorum proborum et legalium hominum de visneto civitatis Herefordie si tenentes episcopi decani et capituli Herefordensium in civitate Herefordie consueverint unquam talliari seu contribuere in tallagiis cum civibus civitatis predicte quum dominus rex eos talliari fecit tempore istius regis vel tempore Johannis regis patris regis nunc an non Et dicit inquisicio facta per eosdem justiciarios quod tenentes predictorum episcopi decani et capituli de civitate Herefordie nunquam consueverunt talliari seu contribuere in tallagio cum civibus Herefordensibus cum talliati fuerunt tempore domini regis nunc vel tempore domini Johannes regis patris sui Dicunt tamen quod escaetores domini regis nunc aliquando in tallagio quod assidebant in civitate per capita assidebant super tenentes predictorum episcopi [] tallagia sicut super alios cives ejusdem civitatis et licet predicti tenentes aliquando districti fuissent pro predicto tallagio tamen per quietanciam quam predicti episcopus [] capitulum habere clamant aliquid huc usque non solverunt Et precise dicunt quod nec tempore Johannis regis patris domini regis nunc nec tempore istius cum predictis civibus in tallagio contribuerunt nec tallagia super eos posita aliquo tempore solverunt Littera domini regis directa Radulfo de Hengham et sociis suis ad capiendam inquisicionem illam et eciam ipsa inquisicio poterunt inveniri cum necesse fuerit in arca rememorationis scaccarii in quadam pixide in termino sancte Trinitatis anno lvi Post hoc autem thesaurarius et barones de Scaccario allocaverunt episcopo [] libertates suas secundum tenorem inquisicionis predicte sicut in rotulo domini regis de scaccario anno regni sui liii in Herefordie in fine compoti continetur quod tenentes episcopi [] debent lvij libras xviij solidos vij denarios obolum de tallagio set non debent inde sum moneri quia quieti sunt per breve regis et inquisicionem inde factam que testatur quod tenentes nunquam talliati fuerunt nec aliquid contribuerunt in tallagio cum civibus regis in eadem villa tempore regis nunc vel []