Charter Document - 06760169
| Charter Number: | 06760169 |
|---|---|
| Cartulary Title: | Charters and Records of Hereford Cathedral |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1271 |
| Date type: | Internal, A.D., Feast |
| Resource Link(s): |
|
Charter:
Omnibus [] frater Thyme humilis minister in ecclesia sancte Milburge de Wenlak et ejusdem loci conventus salutem in Domino sempiternam Cum pium sit et honestum graciam liberaliter preferre graciosis et precipue illis qui graciam religiosis indigentibus sic gratis amplificant ut meritis suis exigentibus a Deo remuneracionem recipiant gratuitam et condignam nos considerantes viros discretos et honestos dominos decanum et capitulum Herefordensis ecclesie quorum vita et conversacio honestate preclara prerogative fulgent in ecclesia pietate ductos pluribus devote pulsantibus caritative subvenisse jus patronatus ecclesie de Longastantone salvis nobis novalibus et frassuris nostris factis et faciendis et decimis prius habitis que in dicta ecclesia parochiali habuimus et habemus memoratis decano et capitulo Herefordensi in liberam puram et perpetuam elemosinam conferimus et concedimus Predictum vero jus patronatus cum suis pertinenciis prefatis decano et capitulo contra omnes homines inperpetuum warantizabimus et defendemus In cujus rei [] Datum publice in capitulo nostro apud Wenlak die dominica proxima post festum sancti Michaelis anno Domini MCC septuagesimo primo