Charter Document - 06760163
| Charter Number: | 06760163 |
|---|---|
| Cartulary Title: | Charters and Records of Hereford Cathedral |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1269 |
| Date type: | Internal, A.D., Calendar |
| Resource Link(s): |
|
Charter:
Universis [] Johannes permissione divina Herefordensis ecclesie minister [] Noverit universitas vestra quod nos de assensu consilio et voluntate capituli nostri Herefordensis appropriamus et apprehendamus abbati et monachis Lirensibus porciones ecclesiarum quas habent in dioecesi nostra cum capellis et aliis suis pertinenciis videlicet duas porciones ecclesie de Markeleia duas porciones ecclesie de Fawehope et duas porciones ecclesie de Linton et duas porciones ecclesie de Wiltone et duas porciones ecclesie de Thudeham et duas porciones ecclesie de Erlesdene et duas porciones ecclesie de Themedebury et duas porciones ecclesie de Fonte David salva sustentacione vicariorum in dictis ecclesiis videlicet tercia parte prout in instrumentis antecessorum nostrorum continetur ita videlicet quod decedentibus earundem ecclesiarum vicariis liceat eis ad vicarias dictarum ecclesiarum vicarios ydoneos eligere et nobis vel successoribus nostris presentare ita quod possessio dictorum monachorum quantum ad duas partes per decessum vicariorum in nullo perturbetur nec aliqua in eis fiet sequestracio vicarii vero onera ecclesiarum quantum ad episcopalia et archidiaconalia sustinebunt hoc tamen notato quod si episcopus Herefordensis procuracionem in aliqua dictarum ecclesiarum habere debeat monachi Lirenses pro procuracione illa episcopali in solidum respondebunt abbatem autem Lyrensem quantum ad dictarum ecclesiarum appropriacionem et apprehende accionem de assensu capituli nostri canonicum Herefordensis ecclesie constituimus assignantes eidem stallum in choro et locum in capitulo et in predicta ecclesia vicarium habebit nomine suo ministrantem qui panem et cervisiam percipiet si vero predictus abbas vel generalis procurator monachorum Lyrensium ad ecclesiam Herefordensem accesserit panem et cervisiam que vicarius ejus eo absente assuevit percipere dum presens fuerit percipiet Predictus vero abbas quamdiu in ecclesia nostra presens extiterit obvencionibus ad altare majus provenientibus plene ut canonicus communicabit Preterea ad confederacionem fraternitatis habite et habende inter ecclesiam Herefordensem et monasterium Lirense si contigerit abbatem de Lira vel aliquem fratrem ejusdem loci diem ultimum claudere et nobis nunciatim fuerit nomine defunctorum in nostro ponentur martyrologio ut in anniversariis diebus suis servicium defunctorum pro eis sicut pro canonicis nostris fiat et si episcopum vel canonicum Herefordensis ecclesie decedere contigerit fiat pro eis in monasterio Lirensi in missis oracionibus et aliis suffragiis sicut pro abbate vel monacho Lirensi defuncto Capitulum vero Herefordense cum inde fuerit requisitum in negociis abbatis et monachorum de Lira manum consilium et auxilium sumptibus dictorum monachorum porrigere tenetur et ecclesie sue jura pro posse tueri et conservare Ut igitur nostra ordinacio [] Nos itaque Johannes decanus Herefordensis et ejusdem loci capitulum omnia et singula premissa unanimi consensu nostro rata habemus et firma Datum anno Domini millesimo ducentesimo sexagesimo nono mense Junii