Charter Document - 06760161
| Charter Number: | 06760161 |
|---|---|
| Cartulary Title: | Charters and Records of Hereford Cathedral |
| Charter Language: | Latin |
| Charter Origin: | Religious |
| Charter Type(s): | Judgement |
| Date: | 1264 |
| Date type: | Internal, A.D., Feast |
| Resource Link(s): |
|
Charter:
Prior de Strigull et cancellarius Landavensis archidiaconi Landavensis cojudicis a sede apostolica delegati venerabili patre episcopo Landavensi cojudice suo legitime excusato vices gerentes discretis viris officiali archidiacono Herefordensi de Gloucestrie et de Foresta decanis salutem in Domino Cum nos in causa appellacionis que auctoritate apostolica coram nobis vertebatur videlicet inter venerabilem patrem episcopum decanum et capitulum Herefordenses ex parte una et priorem provincialem et fratres de ordine predicatorum in Anglie ex altera cognitis ipsius cause meritis et ordine juris in omnibus observato appellacionem dictorum episcopi decani et capituli quam a venerabili patre episcopo Wygorniensi ad sedem apostolicam interposuerunt et ejus causam probatam esse legitime et pro eadem pronunciamus irritum insuper et inane esse decernimus quicquid post dictam eorum appellacionem per dictum venerabilem patrem episcopum Wygorniensem seu ejus commissarium contra dictos episcopum decanum et capitulum in hac parte est attemptatum vobis omnibus et singulis firmiter injungendo mandamus quatinus in singulis locis ubi predictis episcopo decano et capitulo visum fuerit expedire predictas pronunciacionem et irritacionem nostram publicetis contradictores et rebelles per censuram ecclesiasticam compescendo Datum in vigilia festi beati Petri quod dicitur ad vincula anno gracie MCC sexagesimo quarto