Charter Document - 06760156
| Charter Number: | 06760156 |
|---|---|
| Cartulary Title: | Charters and Records of Hereford Cathedral |
| Charter Language: | Latin |
| Charter Origin: | Religious |
| Charter Type(s): | Bond |
| Date: | 1261 |
| Date type: | Internal, A.D., Feast |
| Resource Link(s): |
|
Charter:
Universis [] frater Ancelinus generalis procurator in Anglie hospitalis sancti Antonii Viennensis dyoecesis eternam in Domino salutem Cum ad instanciam meam venerabilis pater dominus Petrus Dei gracia Herefordensis episcopus dominus Ancelinus decanus Herefordensis dominus Willelmus de Conflens archidiaconus Herefordensis magister Alexander de Acu et Petrus de Ougina cononici Herefordenses obligacione se et bona sua capitulo Herefordensi de servando dictum capitulum indemne super quadam fidejussione quam dictum capitulum ad instanciam meam et pro vehementi commodo et honore dicti hospitalis sancti Antonii fecerunt erga Ricardum le Brun quondam rectorem ecclesiarum sancti Martini et omnium sanctorum in Herefordensi civitate existencium scilicet de solvendis annuatim viginti marcis dicto Ricardo quas idem Ricardus ex ordinacione venerabilis patris dicti domini Petri Herefordensis episcopi debet percipere a dicto hospitali sancti Antonii pro dictis duabus ecclesiis secundum quod in littera ordinacionis ejusdem domini episcopi plenius continetur ego dictus Ancelinus procurator promisi bona fide predictos dominos super predicta obligacione quam pro necessitate et utilitate dicti hospitalis subierunt totaliter servare indemnes et super hoc obligavi eisdem nomine dicti hospitalis et meo omnia bona dicti hospitalis mobilia et immobilia presencia et futura spiritualia et mundana et specialiter fructus dictarum ecclesiarum et omnes proventus et obvenciones earundem dans eisdem nomine dicti hospitalis et meo plenarium potestatem occupandi auctoritate sua dictos fructus redditus et proventus dictarum ecclesiarum tamdiu quousque sibi plene fuerit satisfactum de dampno vel interesse si quod incurrerint quod absit occasione predicte obligacionis super quo credetur eisdem per simplex verbum suum tantum sine alterius onere probacionis Renunciavi insuper in hoc facto tam pro dicto hospitali quam pro me pure ex certa sciencia accioni et excepcioni doli metus et in factum et omni privilegio impetrato vel impetrando et omnibus indulgenciis habitis et habendis et omni remedio juris canonici et civilis per que contra provisionem predictam possem me vel dictum hospitale tueri in toto vel in parte et specialiter juri dicenti generalem renunciacionem non valere In cujus rei [] sigillum dicti domini episcopi eisdem litteris apponi procuravi in testimonium veritatis Datum apud Whiteburne die lune proxima ante festum beati Barnabe anno Domini MCCLX primo