Charter Document - 06760155

Universis [] frater Willelmus magister hospitalis sancti Antonii Viennensis dioecesis et ejusdem loci capitulum salutem in Domino Noverit universitas vestra quod cum venerabilis pater dominus Petrus Dei gracia Herefordensis episcopus Ancelinus decanus [] capitulum loci ejusdem ob reverenciam et honorem Jesu Christi et sancti Antonii nobis et hospitali nostro memorato honores immensos graciasque speciales et beneficia quam plurima sui gracia contulissent concedendo nobis in proprios usus ecclesias omnium sanctorum et sancti Martini sitas in civitate Herefordensi quarum patronatum contulit nobis et hospitali nostro predicto dominus Henricus illustris rex Anglie nolentes sicut nec decet malum pro bono sed pocius graciam pro gracia retribuere ne super ingratitudinis vicio quod absit redargui possimus nos nomine dicti hospitalis et nostro pro nobis et successoribus nostris inperpetuum bona fide promittimus et super sacrosancta Dei evangelia juramus quod nichil racione dictarum ecclesiarum aliquo tempore procurabimus seu impetrabimus per litteras apostolicas seu aliter vel in quacunque curia seu in locis quibuscunque quod vertere possit in prejudicium libertatis ecclesie Herefordensis et specialiter quod nunquam impetrabimus per litteras apostolicas seu aliter quocunque modo cimiteria fieri circa ecclesias memoratas nec alibi in civitate predicta seu surburbiis ejusdem vel circa nec circa ecclesias que appropriate sunt dictis decano et capitulo vel alibi ubi ipsi habent sepulturam defunctorum nec eciam quod possimus esse exempti ab ordinaria jurisdiccione volentes et concedentes nomine dicti hospitalis et nostro pro nobis et successoribus nostris quod si contingat quod absit nos aliquo tempore contra hanc promissionem seu juramentum cimiteria sepulturas circa dictas ecclesias vel loca vel exempciones ab ordinaria jurisdiccione ut predictum est impetrare contra libertatem ecclesie Herefordensis liceat episcopo seu decano et capitulo Herefordensibus qui pro tempore fuerint nos incontinenti sine strepitu judiciali quantum ad dictos articulos de exempcione cimiterio et sepultura excommunicare interdicere et graviter tanquam perjuros animadversione condigna punire et eciam dictas ecclesias et totum jus quod in eisdem habemus seu habere possumus in manus suas capere et tamdiu easdem retinere quousque omnibus litteris seu privilegiis super dictis exempcione [] impetratis in manus dictorum episcopi [] renunciaverimus et super hoc a molestacione eorundem omnino cessaverimus non obstantibus aliquibus privilegiis seu indulgenciis per quoscunque aliquo tempore impetratis seu impetrandis Renunciavimus insuper in hoc facto expresse et ex certa sciencia pro nobis [] omni excepcioni appellacioni contradiccioni cavillacioni omnibus litteris privilegiis et indulgenciis impetratis [] et specialiter juri dicenti generalem renunciacionem non valere et omni alii excepcioni omnique beneficio et auxilio juris tam canonici quam civilis per que possemus nos contra premissa vel eorum aliquod defendere seu tueri In cujus rei [] Datum anno domini MCCLX die lune ante nativitatem beate Marie virginis