Charter Document - 06760152
| Charter Number: | 06760152 |
|---|---|
| Cartulary Title: | Charters and Records of Hereford Cathedral |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1258 |
| Date type: | Internal, A.D., Feast |
| Resource Link(s): |
|
Charter:
Universis [] Ricardus dominus de Wauford filius et heres Thome quondam domini de Wauford defuncti eternam in Domino salutem Noverit universitas vestra me de consensu assensu voluntate et auctoritate Willelmi de Estone custodis mei inspectis et intellectis cartis predecessorum meorum et specialiter Hugonis domini de Wauford avi mei et eciam confirmacione seu collacione bone memorie Egidii quondam Herefordensis episcopi ac ejusdem loci capituli factis et concessis dignitati precentorie Herefordensis ecclesie super ecclesia de Wauford concessisse et quantum ad me pertinet dedisse in liberam puram et perpetuam elemosinam predicte dignitati cantorie Herefordensis ecclesie pro animabus patris mei et matris mee antecessorum et successorum meorum pro me et heredibus meis totum jus quod habui vel ex quacunque causa habere potui vel habere potero in ecclesia de Wauford ita quidem quod liceat eidem dignitati libere quiete et pacifice sine omni reclamacione impedimento seu vexacione mei vel heredum meorum jus prenominatum cum suis pertinenciis possidere et optinere inperpetuum Et ne hoc impostorum possit in dubium revocari ego Ricardus dominus de Wauford donaciones collaciones et confirmaciones ratas habens et gratas easdem de consensu et auctoritate dicti Willelmi custodis mei confirmavi ac presens scriptum sigilli mei impressione roboravi et eidem scripto sigillum dicti Willelmi custodis mei in testimonium sui consensus apponi procuravi Datum Herefordie anno Domini MCCLVIIJ in crastino dominice in qua cantatur quasimodo geniti