Charter Document - 06760151

Universis Christi fidelibus presentes litteras inspecturis vel eciam audituris A[ncelinus] Decanus et Capitulum Herefordensis Ecclesie salutem in Domino Jesu Christo Ad universitatis vestre noticiam volumus pervenire nos visa et inspecta utilitate Ecclesie nostre a Venerabili Patre nostro P[etro] Dei gracia ipsius Ecclesie Episcopo totam terram cum omnibus suis pertinenciis pascuis molendinis planis nemoribus homagiis et rebus aliis quam quidem terram monachi de Crasswelle Grandemontensis Ordinis in villa [sive] parochia de Hamma Lacy tenuerunt et aliquo tempore possederunt et omnem aliam terram cum omnibus suis pertinenciis quam memoratus Episcopus in dicta parochia sive villa tenebat seu possidebat de communi consensu tocius Capituli recepisse sub convencionibus paccionibus et condicionibus que in litteris super collacione dictarum terrarum et pertinenciarum a memorato Venerabili Patre nobis facta confectis plenius continentur Quarum litterarum tenor talis est Universis Christi fidelibus [] Petrus [] eternam in Domino salutem Noverit universitas vestra quod nos dedimus [] Deo et Beate Marie ac Beato Ethelberto Martiri omnibusque Sanctis Dei et Decano et Capitulo Herefordensi in puram et perpetuam elemosinam pro salute anime nostre et pro animabus antecessorum et successorum nostrorum Episcoporum et pro anima felicis recordacionis [Bernardi] quondam Prioris Campaniensis et pro animabus omnium parentum et benefactorum nostrorum omniumque fidelium defunctorum septem carucatas terre quas acquisivimus in manerio et parochia de Hamme Lacy videlicet terras quas emimus ab Abbate et Conventu de Lavendene et terram quam emimus a magistro Willelmo de Batone clerico nostro et terras quas emimus a Priore de Crasswelle et ejusdem loci fratribus Ordinis Grandemontensis cum capitali mesuagio et aliis mesuagiis grangiis et omnibus aliis edificiis [] reditibus nemoribus et molendinis gardinis vinariis piscariis stagnis rivariis pratis pascuis viis semitis et omnibus aliis aisiamentis et omnibus homagiis libere tenencium et non libere tenencium et specialiter cum homagio domini Henrici de Bradele et heredum suorum et omnibus aliis rebus et libertatibus et liberis consuetudinibus tam nominatis quam non nominatis ad omnes predictas terras pertinentibus salvo nobis et successoribus nostris de dictis terris antiquo servicio debito et consueto Dedimus eciam [] quatuor libras sterlingorum annui redditus quas debent nobis Prior et Conventus [Sancti] Guthlaci Herefordie pro molendinis Herefordie que emimus et eisdem ad firmam perpetuam concessimus Et quia pium est pauperibus in necessitatis tempore subvenire volumus et de consensu predictorum Decani et Capituli ordinamus quod pro predictis omnibus iidem Decanus et Capitulum ducentas et quadraginta summas duri bladi videlicet boni mixti leonis annuatim pauperibus erogent et in pane distribuant in Domo Episcopali Herefordensi duobus anni mensibus in Junio scilicet et Julio ita quod dicta distribucio fiat ter in qualibet septimana duorum mensium predictorum et cuilibet pauperi venienti detur qualibet [die] ipsius distribucionis panis tante quantitatis quod ex eo possit per unam diem commode sustentari et in qualibet septimana dictorum mensium durante dicta distribucione fiat provisio competens et sufficiens per unam diem in pane fratribus minoribus Herefordie residentibus Et si forte contigerit tantam multitudinem pauperum ad distribucionem supradictam confluere quod non posset distribucio usque ad finem dictorum mensium perfici ut est dictum fiat secundum formam predictam quamdiu sufficiet dictum bladum Et siquid post dictos duos menses de dicto blado residuum fuerit distribuatur in subsequentibus septimanis Volumus eciam et ordinamus quod fratribus de Crassewelle quingenta marce solvantur de pecunia nostra si quitare voluerint et quitaverint jura et acciones siqua eis competunt in rebus superius nominatis Quod nisi fecerint dicti fratres et terras quas ab eis emimus evicerint de dictis quingentis marcis emantur terre equivalentes et loco terrarum predictarum subrogentur Pro quibus quingentis marcis eisdem Decano et Capitulo omnia bona nostra mobilia obligamus Et quousque terre predicte empte fuerint vel commode emi potuerint detrahatur de distribucione supradicta quantum secundum estimacionem bonorum virorum fuerit detrahendum Volumus eciam et de consensu predictorum Decani et Capituli ordinamus quod quocienscunque garda vel maritagium aut utrumque heredum vel successorum domini Henrici de Bradele ad eosdem Decanum et Capitulum devenerit quoquomodo medietas tocius emolumenti ipsorum garde vel maritagii aut utriusque cedat eisdem Decano et Capitulo pleno jure ut in hoc saltem si super premissis in aliquo gravati fuerint releventur Alia vero medietas applicetur fabrice et refeccioni Ecclesie Herefordensis Cathedralis Et ut liberius et libencius memorati Decanus et Capitulum adimpleant et perficiant supradicta volentes in beneficiis nostris excrescere quadraginta et duos boves quos in dicto manerio habebamus cum curribus quadrigis et carrucis ibidem ad presens existentibus eisdem dedimus et concessimus cum predictis et hac vice expensis nostris faciemus terras que seminande fuerint seminari Ipsi vero Decanus et Capitulum primo supradictam distribucionem facient anno ab Incarnacione Domini millesimo ducentesimo quinquagesimo octavo et postea quolibet anno inperpetuum prout est superius ordinatum In cujus rei testimonium sigillum nostrum presentibus apposuimus Datum mense Septembri anno Domini millesimo ducentesimo quinquagesimo sexto Nos vero prefati Decanus et Capitulum supradictam collacionem sub predictis convencionibus paccionibus et condicionibus nobis factam gratam et ratam habentes et quantum in nobis est approbantes vovemus Deo et Beate Marie genitrici sue et Beato Ethelberto Martyri omnibusque Sanctis Dei et eidem Venerabili Patri promittimus bona fide omnia supradicta generaliter et singula singulariter firmiter inperpetuum observare et fideliter adimplere volentes et statuentes quod quilibet Canonicus cum jurabit statuta et consuetudines Herefordensis Ecclesie observare ut moris est juret specialiter quod ea que in presentibus litteris continentur fideliter inperpetuum observabit Renunciamus eciam in hoc facto beneficio restitucionis in integrum doli et in factum accioni et omnibus defensionibus competitoris et competentibus et omni juris beneficio seu auxilio per quod supradicta possent infirmari in toto seu in parte vel eciam nulla dici subicientes nos spontanea voluntate jurisdiccioni Herefordensis Episcopi qui pro tempore fuerit quo ad observacionem omnium predictorum sine strepitu judiciali unica tamen monicione premissa per omnimodam censuram Ecclesiasticam si necesse fuerit nos compellat In quorum omnium robur memoriam et testimonium presentes litteras [] Datum Herefordie mense Septembri anno Domini MCC quinquagesimo sexto