Charter Document - 06760147
| Charter Number: | 06760147 |
|---|---|
| Cartulary Title: | Charters and Records of Hereford Cathedral |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1255 |
| Date type: | Internal, Calendar, Papal |
| Resource Link(s): |
|
Charter:
Alexander episcopus servus servorum Dei dilectis filiis priori provinciali ceterisque prioribus et fratribus ordinis predicatorum in Anglie salutem [] Significantibus olim dilectis filiis decano et capitulo Herefordensibus felicis recordacionis Innocencio pape predecessori nostro quod licet vicariis majoris et aliarum ecclesiarum civitatis Herefordensis ex parochianorum suorum oblacionibus [] detrimentum propter quod idem predecessor vobis semel et iterum inter alia precipiendo mandasse dicitur ut prefatas loci condiciones propensius attendentes domum et ecclesiam in civitate predicta vel ejus suburbiis aut circa non faceretis construi nec ab aliquo reciperetis constructam preter ipsorum decani et capituli ac cleri tranquillam et liberam voluntatem cum servos Dei cogitare deceat pacis consilia et se a scandalorum materia provide cohibere Sed vos sicut accepimus mandatum hujusmodi surdis auribus transeuntes adhuc domum et ecclesiam contra voluntatem dictorum decani et capituli et cleri in civitate predicta contenditis obtinere propter quod ipsi super hoc apostolicum implorare remedium jam tercio sunt coacti Ne igitur apud vos contempni et in vacuum recipi mandatum apostolicum videatur universitatem vestram ad instar predecessoris ejusdem rogamus monemus attencius et hortamur per apostolica vobis scripta precipiendo mandantes quatinus ab ipsorum decani et capituli atque cleri super hoc molestia et gravamine penitus de cetero quiescatis ita quod ad nos super hoc ipsorum querimonia iterum non recurrant Datum Neapoli xii kalendas Junii pontificatus nostri anno primo