Charter Document - 06760145

Innocencius [] episcopo Wigorniensi et dilectis filiis archidiacono Glovernie et decano ecclesie de Powik Wigorniensis dioecesis salutem Conquestus est nobis dilectus filius prior provincialis ordinis fratrum predicatorum in Anglie quod Egidius capellanus noster thesaurarius Ancelinus decanus Herefordensis Jacobus archidiaconus Salopesbirie Richardus de Barewe ac Stephanus Lefeuvre presbyteri et Adam de pistrino ac plures alii canonici et clerici Herefordensis ecclesie cum nonnullis famulantibus suis ad domum quam fratres dicti ordinis juxta civitatem Herefordensem habebant nocturno tempore accedentes fratribus ibidem degentibus temerario ausu propulsis ac in quodam campo violenter detentis illam funditus nequiter destruxerunt in proprie salutis dampnum et prejudicium ac ordinis non modicum detrimentum Quocirca discrecioni vestre per apostolica scripta mandamus quatinus partibus convocatis et auditis infra quattuor menses et recepcione presencium judicio vel concordia terminetis facientes quod decreveritis per censuram ecclesiasticam firmiter observari Alioquin ex tunc eandem causam instructam vel non instructam ad nostram remittatis examinacionem prefixo partibus termino peremptorio competenti quo per se vel procuratores idoneos cum omnibus racionibus et munimentis suis eam causam contingentibus nostro se conspectui representent facturi vel recepturi [] Diem vero citacionis et formam nobis per vestras litteras harum seriem continentes exponere fideliter procuretis non obstante indulgencia sedis apostolice qua dicatur Anglicis esse concessum quod per litteras ejusdem sedis citra mare Anglie trahi non possint nisi de indulgencia ipsa plenam et expressam seu de verbo ad verbum fecerint mencionem Datum Laterani iij kalendas Novembris pontificatus nostri anno undecimo