Charter Document - 06760143
| Charter Number: | 06760143 |
|---|---|
| Cartulary Title: | Charters and Records of Hereford Cathedral |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1254 |
| Date type: | Internal, Calendar, Papal |
| Resource Link(s): |
|
Charter:
Alexander episcopus servus servorum Dei dilectis filiis archidiacono et officiali Cantuariensibus salutem [] Venerabilis fratris nostri Herefordensis episcopi precibus inclinati sibi ut de terris quas in Anglie propriis sumptibus laborari fecerit aut duxerit excolendas et de incrementis animalium terrarum ipsarum nulli dare decimas teneatur quodque ad id compelli a quoquam non valeat auctoritate litterarum nostrarum duximus concedendum Quocirca discrecioni vestre per apostolica scripta mandamus quatinus dictum episcopum non permittatis super hiis contra nostre con cessionis tenorem ab aliquibus indebite molestari molestatores hujusmodi per censuram ecclesiasticam appellacione remota compescendo non obstante constitucione de duabus dictis edita in concilio generali Quod si non ambo hiis exequendis poteritis interesse alter vestrum ea nihilominus exequatur Datum Neapoli iii Idus Maii pontificatus nostri anno primo