Charter Document - 06760136
| Charter Number: | 06760136 |
|---|---|
| Cartulary Title: | Charters and Records of Hereford Cathedral |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1251 |
| Date type: | Internal, Calendar, Papal |
| Resource Link(s): |
|
Charter:
Innocencius episcopus servus servorum Dei venerabili fratri episcopo Herefordensi salutem [] Cum causas que super diversis articulis inter te ex parte una et dilectos filios decanum et capitulum Herefordenses ex altera ventilantur priori sancti Johannis Wellensis suisque collegis sub certa forma per diversas apostolice sedis litteras commisisse dicamur inter certum temporis spatium judicio vel concordia terminandas ut in causis hujusmodi libero procedi calle valeat ad nostrorum efficaciam mandatorum auctoritate tibi presencium districcius inhibemus ut per te vel officialem seu vicarium tuos vel alios eisdem causis pendentibus aliquod super ipsis in ipsorum decani et capituli vel eorum cujusquam prejudicium non attemptes Datum Lugduni x kalendas Aprilis pontificatus nostri anno octavo