Charter Document - 06760127
| Charter Number: | 06760127 |
|---|---|
| Cartulary Title: | Charters and Records of Hereford Cathedral |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1249 |
| Date type: | Assigned |
| Resource Link(s): |
|
Charter:
Reverendo in Christo patri et domino Petro Dei gracia Herefordensi episcopo devoti canonici sui abbas et conventus de Wygemora salutem cum obediencia debita et devota Audivimus quod obligacionem pro nobis et successoribus nostris factam ad instanciam magistri Johannis Bacun canonici Herefordensis pro sustentacione cujusdam vicarii celebrantis in ecclesia Herefordensi pro fidelibus Dei defunctis officium divinum noluistis nisi intervenientibus nostris precibus confirmare Tenore igitur presencium supplicamus sancte paternitati vestre quatinus dictam obligacionem quam ut audivimus inspexisti litteris patentibus sigilli vestri impressione signatis auctoritate pontificali dignemini roborare