Charter Document - 06760123
| Charter Number: | 06760123 |
|---|---|
| Cartulary Title: | Charters and Records of Hereford Cathedral |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1245 |
| Date type: | Internal, Calendar, Papal |
| Resource Link(s): |
|
Charter:
Innocencius episcopus servus servorum Dei venerabilibus fratribus Wigorniensi et Elyensi episcopis salutem [] Dilecti filii capitulum Herefordensis ecclesie nobis humiliter supplicarunt ut privilegia ipsis a Romanis pontificibus predecessoribus nostris concessa quorum ad nos transmisere transcripta cum propter maris pericula sicut asserunt ipsa privilegia transmittere formidarunt renovare de benignitate solita curaremus Nos igitur volentes ipsorum peticiones quantum cum Deo possumus exaudire fraternitati vestre per apostolica scripta mandamus quatinus prefata privilegia transcribi de verbo ad verbum fideliter facientes transcripta hujusmodi sub sigillis vestris nobis transmittere procuretis Datum Lugduni xvij kalendas Decembris pontificatus nostri anno tercio