Charter Document - 06760112
| Charter Number: | 06760112 |
|---|---|
| Cartulary Title: | Charters and Records of Hereford Cathedral |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1234 |
| Date type: | Assigned |
| Resource Link(s): |
|
Charter:
Memorandum quod die lune proxima ante festum beati Petri ad vincula in aula hospitalis de Ledebury sub Malvernia comparuit Robertus decanus de Kempeley rector ecclesie de Kempeley coram magistro H de Lymp clerico domini Hugonis Foliot Herefordensis episcopi ibidem presentibus dicto magistro H et Willelmo de Fernelaw et Rogero tunc capellanis de Ledebury et Alano de Walintone et Willelmo de Alkerugge et Willelmo de Broy et Waltero de Muchegros tunc pincerna domini Hugone Foliot Herefordensis episcopi et multis aliis solvit idem Robertus decanus de Kempeley dicto hospitali de Ledebury unam libram incensi nomine pensionis ecclesie de Kempeley quam debet annuatim eadem ecclesia de Kempeley dicto hospitali Juravit eciam dictus Robertus decanus tactis sacrosanctis evangeliis presentibus omnibus predictis quod quamdiu vixerit et ecclesiam de Kemperley tenuerit annuatim unam libram incensi nomine pensionis dicto hospitali solvet sine difficultate dolo et fraude de dicta ecclesia de Kempeley ad festum sancti Ethelberti factum est autem istud anno primo consecracionis domini E[dmundi] Cantuariensis archiepiscopi [] In cujus rei testimonium dictus magister H una cum sigillis prenominatorum sigillum suum apposuit