Charter Document - 06760102
| Charter Number: | 06760102 |
|---|---|
| Cartulary Title: | Charters and Records of Hereford Cathedral |
| Charter Language: | Latin |
| Charter Origin: | Religious |
| Charter Type(s): | Promise |
| Date: | 1230 |
| Date type: | Assigned |
| Resource Link(s): |
|
Charter:
Omnibus [] magister Reginaldus custos domus elemosinarie sancti Ethelberti Herefordie [] confratres illius domus tam clerici quam laici salutem in auctore salutis Noverit universitas vestra nos divine pietatis intuitu de communi consensu decani et capituli Herefordensis et ceterorum virorum prudentum concessisse cuidam amico nostro specialissimo Ricardo nomine ut habeat tres pauperes in domo nostra elemosinaria inperpetuum pascendos cotidie eo modo sicut alii pauperes in dicta domo nostra pascuntur Ipse autem predictus Ricardus dedit domui nostre divine pietatis intuitu viginti marcas esterlingorum ad terram emendam ad sustentacionem trium pauperum in puram et perpetuam elemosinam pro salute anime sue et pro animabus amicorum suorum parentum et antecessorum suorum Ne autem hec nostra concessio aliquo tempore per successores nostros deficiat communi virorum prudentum consilio omnes contradicentes et resistentes huic facto nostro excommunicavimus et candelis accensis vinculo anathematis innodavimus Ut autem hec nostra concessio [] Hiis testibus decano et capitulo Herefordensibus Hugone filio Ailmundi Henrico Craft Nicholao cantore Willelmo Wither Willelmo Palmario Ada Saym Johanne clerico civibus Herefordensibus et multis aliis