Charter Document - 06760100
| Charter Number: | 06760100 |
|---|---|
| Cartulary Title: | Charters and Records of Hereford Cathedral |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1227 |
| Date type: | Assigned |
| Resource Link(s): |
|
Charter:
Universis [] universi cives Herefordie eternam in Domino salutem Noverit universitas vestra nos de communi assensu et unanimi voluntate civitatis nostre dedisse et concessisse in puram et perpetuam elemosinam Deo et beate Marie et domui elemosinarie site juxta cimiterium sancti Ethelberti et ejusdem domus custodibus que sita est in feodo domini Willelmi Marescalli in villa Herefordie decimam ferie nostre que est ad festum sancti Dionisii scilicet decimam totius tollonii et omnium proventuum qui de feria nostra eveniant excepta decima seldagii pro venerabili domino nostro rege Henrico et pro anima clare memorie Johannis quondam regis Anglie et pro animabus antecessorum et successorum suorum similiter et pro animabus antecessorum et successorum nostrorum ad sustentacionem pauperum in domo predicta elemosinaria singulis diebus reficiendorum ita scilicet quod predicta domus et ejus custodes predictam decimam predicte ferie habeant et teneant inperpetuum libere quiete integre pacifice et honorifice singulis annis quinta die a festo sancti Dionisii percipiendam per manus custodum qui ad hoc pro tempore fuerint constituti si vero dicta domus et ejus custodes a refeccione pauperum cessaverint nos a prestacione predicte decime cessabimus Nos vero donacionem et concessionem nostram ratam habentes eam hac presenta carta et impressione sigilli nostri confirmare et corroborare curavimus Hiis testibus domino Moricio de Gant et domino Roberto de Lexintune domino Radulfo Musard tunc justiciariis domini regis domino Reginaldo de Brausa domino Willelmo de Clifford domino Rogero Pichard domino Waltero de Baskerville Willelmo de Furches Johanne de Ebroico Roberto de Walintona Radulfo de Baskerville et multis aliis