Charter Document - 06760091
| Charter Number: | 06760091 |
|---|---|
| Cartulary Title: | Charters and Records of Hereford Cathedral |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1220 |
| Date type: | Assigned |
| Resource Link(s): |
|
Charter:
Sciant presentes et futuri quod ego Ricardus de Medimor dimisi et quietum clamavi de me et heredibus meis in perpetuum Deo et beate Marie et ecclesie sancti Ethelberti et decano et capitulo ejusdem loci totum jus et clamium quod habui vel habere potui in redditu annuo unius denarii quem michi et heredibus meis Robertus le butiler de Wibbitone et heredes sui et assignati reddere debuerunt in festo sancti Ethelberti pro omni servicio de sex acris terre in territorio de Maddeley que extendunt se juxta viam regiam que vocatur Stanistret in longitudine et primum caput usque viam regiam que vocatur portwey in latitudine quas de me et heredibus meis tenuerunt Quod habeant et pacifice possideant dictum redditum unius denarii ut predictum est cum omnibus libertatibus ita quod ego nec heredes mei vel assignati mei quicumque aliquo tempore aliquid juris in dicto redditu vel in dicta terra habere vel exigere poterunt Et quod dicti decanus et capitulum recipiant dictum redditum de dicto Roberto le butiler et heredibus suis vel assignatis in termino prescripto et quod habeant omnes profectus quod ego vel heredes mei habere potuerimus de predicto redditu pro predicta terra secundum quod carta sua quam inde habent testatur In cujus rei [] Hiis testibus Waltero de la Bache Waltero de Baddissawe Roberto de Ypre Hugone Walensi Roberto filio Radulfi Willelmo Dun et multis aliis