Charter Document - 06760084
| Charter Number: | 06760084 |
|---|---|
| Cartulary Title: | Charters and Records of Hereford Cathedral |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1219 |
| Date type: | Internal, Calendar, Papal |
| Resource Link(s): |
|
Charter:
Honorius episcopus servus servorum Dei dilectis filiis decano et capitulo Herefordensi salutem et apostolicam benediccionem Cum a nobis petitur quod justum est et honestum tam vigor equitatis quam ordo exigit racionis ut id per sollicitudinem officii nostri ad debitum perducatur effectum Quapropter dilecti in Domino filii vestris justis postulacionibus grato concurrentes assensu personas vestras et locum in quo divino estis obsequio mancipati cum omnibus bonis que impresenciarum racionabiliter possidetis aut in futurum justis modis prestante Domino poteritis adipisci sub beati Petri et nostra proteccione suscipimus specialiter autem de Magdale de Mawrdin et de Putelehe ecclesias cum terris molendinis decimis et omnibus pertinenciis suis et de Dunemore et beate Marie Magdalene Herefordenses capellas cum molendinis decimis et omnibus pertinenciis suis ex dono inclite recordacionis Ricardi regis Anglie terram de Dunnitune et terram de Eglintune cum molendino essartas juxta haiam Herefordensem dimidiam hydam terre in Huntintone et unam virgata terre ac redditum sexaginta solidorum in Mora canonicorum Lantonie prime molendinum de Highen ex dono venerabilis fratris nostri episcopi vestri decimas molendinorum de dominicis suis Oppam Prestuniam Nortuniam et Pioniam cum ecclesiis domibus decimis terris et omnibus pertinenciis suis terras quas habetis infra burgum ecclesie vestre et extra cum domibus suis decimas burgenses Herefordenses de negociatoribus suis et decimas de Mora cum aliis minutis decimis tertiam quoque partem decimarum de dominico de Bulingehope Ricardi de Cormeliis duas eciam partes decimarum de frugibus totius terre pertinentis ad Bertanesham libertates quoque et immunitates ab inclite recordacionis Johanne rege et principibus Anglie vobis concessas necnon racionabiles consuetudines et approbatas ecclesie vestre ac alia bona vestra sicut ea omnia juste ac pacifice possidetis vobis et per vos ecclesie vestre auctoritate apostolica confirmamus et presentis scripti patrocinio communimus Nulli ergo [] Datum Laterani v idus Marcii pontificatus nostri anno tercio