Charter Document - 06760076
| Charter Number: | 06760076 |
|---|---|
| Cartulary Title: | Charters and Records of Hereford Cathedral |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1204 - 1216 |
| Date type: | Assigned |
| Resource Link(s): |
|
Charter:
Universis [sancte matris ecclesie filiis ad quos presens scriptum pervenerit] Godfridus divina permissione Menevensis ecclesie minister eternam in Domino salutem Ad universitatis vestre noticiam pervenire volumus quod cum discordia orta esset inter Hugone decanum et capitulum Herefordie ex una parte et R[ogerum] priorem et conventum Lanthonie nostre dioecesis ex alia pro sepultura cujusdam parochiani Herefordie scilicet Hugonis Potte cujus corpus contra libertatem et antiquam Herefordensis ecclesie consuetudinem dicti canonici Lanthonie asportaverunt ex communi consensu in presencia nostra hoc fine conquievit scilicet quod predictus prior et quidam canonici ex parte conventus venientes in capitulum Herefordie proponentes se ignorasse libertatem et consuetudinem Herefordensis ecclesie nobis intercedentibus super predicto excessu veniam tandem impetraverunt firmiter in Domino promittentes quod de cetero nullum parochianorum Herefordensis ecclesie nisi impetrata licencia a decano et capitulo Herefordie ad sepulturam admittent nec aliquo privilegio impetrato vel impetrando in prejudicium hujus composicionis aliquo tempore utentur Ut autem hec composicio firma et stablilis permaneat eam sigillo nostro et sigillis parcium confirmavimus