Charter Document - 06760067
| Charter Number: | 06760067 |
|---|---|
| Cartulary Title: | Charters and Records of Hereford Cathedral |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1203 |
| Date type: | Internal, Calendar, Regnal |
| Resource Link(s): |
|
Charter:
J[ohannes] Dei gracia Rex Anglie Dominus Hybernie Dux Normanie Aquitanie Comes Andegavie Archiepiscopis Episcopis Abbatibus Prioribus Comitibus Baronibus Justiciariis Vicecomitibus prepositis ministris et omnibus ballivis et fidelibus suis salutem Sciatis nos intuitu Dei et pro salute nostra et pro animabus omnium antecessorum et successorum nostrorum dedisse et concessisse et hac presenti carta nostra confirmasse Deo et Ecclesie Sancte Marie et Sancti Ethelberti Herefordensi et Egidio ejusdem Ecclesie Episcopo et successoribus suis quod ipsi habeant et teneant omnes terras et possessiones suas et tenementa sua in perpetuum in socha et sacha et thol et theam et infangenetheof et utfangenetheof in bosco et in plano in pratis pascuis in aquis et molendinis in vivariis et piscariis in viis et semitis et quod ipsi homines sui de predictis tenementis sint liberi et quieti de geldis et danegeldis de hidagiis et carucagiis tollagiis et de shiris et hundredis et de sectis infra burgum et extra et de stretwarda et de omnibus placitis et querelis que ad Comitatum et Hundredum pertinent salvis hiis que ad regiam coronam pertinent Concessimus eciam ei et successoribus suis quod ipsi et homines sui sint quieti et liberi ab omni cariagio et pontagio passagio peagio stallagio et tolneto per omnia dominica nostra excepta civitate Londoniarum Et quod ipsi sint quieti de hundredesfeha wardefeha et thethingpeny et fisfeha et franco plegio et de operacione castellorum et refeccione poncium et clausura parcorum et de omnibus servilibus operacionibus et exaccionibus Quare volumus et firmiter precipimus quod predictus Episcopus et successores sui habeant et teneant omnes predictas libertates bene et in pace integre et honorifice in omnibus locis et rebus sicut predictum est hiis testibus Willelmo Marescallo Comite de Pembrochia Willelmo Comite Arundellie Willelmo Comite Saresbirie Willelmo Comite de Dereby Willelmo de Breose Garino filio Geroldi Galfrido de Say Willelmo de Albeny Thoma et Alano Basset Datum per manum Johanne de Brancestre Archidiaconi Wygorniensis apud Rothomagum xxi die Junii anno regni nostri quinto