Charter Document - 06760063
| Charter Number: | 06760063 |
|---|---|
| Cartulary Title: | Charters and Records of Hereford Cathedral |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1198 |
| Date type: | Internal, Calendar, Regnal |
| Resource Link(s): |
|
Charter:
Ricardus Dei gracia rex Anglorum dux Normannie Aquitanie comes Andegavie archiepiscopis episcopis abbatibus comitibus baronibus justiciariis vicecomitibus et omnibus ministris et fidelibus suis salutem Sciatis nos intuitu Dei et pro salute anime mee regis Henrici patris mei et omnium antecessorum et successorum meorum dedisse et concessisse et presenti carta mea confirmasse Deo et ecclesie sancti Auberti Herefordensis et ejusdem loci capitulo ad communam suam meliorandam sexaginta acras terre ad peticionem Roberti clerici de Heseleia juxta haiam meam Herefordie in liberam et perpetuam elemosinam Quare volumus et firmiter precipimus quod predicta ecclesia et predictum capitulum predictam terram habeant et teneant bene et in pace libere et quiete integre plenaria et honorifice in perpetuum quietam de rewardo forestariorum et de assarto ita tamen quod si in forestis nostris forisfecerint ultra libertatem eis in carta mea concessam racionabiliter emendetur et quietam ab omni seculari exaccione et demanda Testibus hiis magistro Maugero Ebroicensi archidiacono Roberto capellano magistro Reginaldo de sancto Edmundo Hugone Piparde Willelmo Marescallo Roberto de Harecurt Roberto de Tregoz et pluribus aliis Datum per manum E[ustacii] Elyensis episcopi cancellarii nostri iiii die Decembris apud Rupem Andelys anno x regni nostri