Charter Document - 06760060
| Charter Number: | 06760060 |
|---|---|
| Cartulary Title: | Charters and Records of Hereford Cathedral |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1190 |
| Date type: | Internal, A.D., Calendar |
| Resource Link(s): |
|
Charter:
Notum sit omnibus tam presentibus quam futuris quod ego Garin de Neapoli prior fratrum Hospitalis Jerusalem in Anglie de communi assensu et voluntate fratrum capituli nostri concessi et presenti carta confirmavi convencionem habitam inter canonicos Herefordensis ecclesie et fratrem Willelmum priorem et fratrem Thomam fundatorem loci de Dunemore scilicet quod ecclesia sancte Marie et sancti Athelberti de Herefordie et canonici ejusdem ecclesie percipient in perpetuum quantum ad nos spectat decimam de quadam terra que pertinet ad heremitorium de Dunemore que dicitur Westfelde cujus est longitudo a curia cimiterii de Dunemore usque Futgare latitudo a Shepewey usque Colewey Quod ut firmiter in perpetuo observetur presentis pagine inscripcione et sigilli nostri attestacione curavi communire hiis testibus fratre Alano priore sancte Crucis Wintonie fratre Matheo fratre Willelmo fratre Philippo presbyteris fratre Roberto filio Ricardi fratre Hugone de Clahulle fratre Roberto de Caperna fratre Roberto Pica fratre Roberto de Westbury fratre Samsone Waltero de Herefordie clerico nostro anno incarnationis dominice MCLXXXIX kalendis Februarii apud Londonias