Charter Document - 06760058
| Charter Number: | 06760058 |
|---|---|
| Cartulary Title: | Charters and Records of Hereford Cathedral |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1187 |
| Date type: | Assigned |
| Resource Link(s): |
|
Charter:
Omnibus [] Ricardus Herefordensis ecclesie decanus et ejusdem loci capitulum eternam in Domino salutem Noverit universitas vestra nos concessisse dilecto in Christo amico nostro Waltero camerario et cuicumque post decessum suum voluerit sex decem acras terre quas Robertus Malherbe dedit nobis et carta sua confirmavit in puram et perpetuam elemosinam pro salute anime sue et animabus omnium antecessorum et successorum suorum in villa sua de Magene ad instanciam predicti Walteri habendas et jure hereditario de nobis tenendas cum omnibus ad eam pertinentibus in villa de Magene et extra villam et cum omni aumento et emolumento quod ad predictam terram poterit adquirere libere et quiete ab omni servicio et exaccione salvo regali servicio reddendo inde singulis annis super altari beate virginis Marie duodecim denarios duobus terminis in festo sancti Michaelis sex denarios et totidem in annunciacione beate Marie Preterea concessimus predicto Waltero quod post mortem ejus nomen suum scribatur in martyrio logio nostro ut pro eo fiat servicium tanquam pro uno fratrum nostrorum Et ut hec concessio nostra firma sit et stabilis presenti carta et sigilli nostri munimine confirmare curavimus Testibus capitulo Herefordensi et multis aliis