Charter Document - 06760056
| Charter Number: | 06760056 |
|---|---|
| Cartulary Title: | Charters and Records of Hereford Cathedral |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1184 |
| Date type: | Internal, A.D., Papal |
| Resource Link(s): |
|
Charter:
Lucius episcopus servus servorum Dei dilectis filiis Jordano decano et canonicis Herefordie tam presentibus quam futuris canonicis substituendis inperpetuum Quociens a nobis petitur quod juri et honestati convenire dinoscitur animo nos decet libenti concedere et petencium desideriis congruum suffragium impartiri Ea propter dilecti in Domino filii vestris justis postulacionibus clementer annuimus et ecclesiam vestram in qua divinis estis mancipati obsequiis sub beati Petri et nostra proteccione suscipimus et presentis scripti privilegio communimus statuentes ut quascunque possessiones quecunque bona eadem ecclesia impresenciarum juste et canonice possidet aut in futurum concessione pontificum largicione regum vel principum oblacione fidelium seu aliis justis modis Do propicio poterit adipisci firma vobis vestrisque successoribus et illibata permaneant In quibus hec propriis duximus exprimenda vocabulis locum ipsum in quo sita est ecclesia prescripta cum omnibus pertinenciis suis res terras quoque que sunt intra burgum ecclesie vestre et extra cum domibus suis et decimas burgensium de negociacionibus suis [] Si qua igitur in futurum ecclesiastica secularisve persona hanc nostre constitucionis paginam sciens contra eam temere venire temptaverit secundo terciove commonita nisi reatum suum digna satisfaccione correxerit potestate honorisque sui dignitate careat reamque de divino judicio existere de perpetrata impietate cognoscat et a sacratissimo corpora et sanguine Dei et domini redemptoris nostri Jesu Christi aliena fiat atque in extremo examine districte ulcioni subjaceat cunctis autem sua jura servantibus sit pax domini nostri Christi quatinus et hic fructum bone accionis percipiant et apud districtum judicem premium eterne pacis inveniant Datum Veruli [] anno Domini millesimo CLXXXIIIJ pontificatus vero domini Lucii pape anno tercio