Charter Document - 06760054
| Charter Number: | 06760054 |
|---|---|
| Cartulary Title: | Charters and Records of Hereford Cathedral |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1176 |
| Date type: | Internal, A.D., Calendar |
| Resource Link(s): |
|
Charter:
Universis [] Rogerus Dei gracia ecclesie Wigorniensis minister [] Approbate consuetudinis est et racioni consentaneum esse videtur ut beneficia que pia largicione fidelium locis Deo dicatis benigne devocionis intuitu conferuntur pontificalis auctoritatis munimine roborentur quatinus ut equum est continua letentur tranquillitate et perpetua stabilitate firmentur Ea propter provida ducti consideracione ecclesias de Mortone et de Waddone quas Rogerus Parvus ecclesie Herefordensi in perpetuum cum suis pertinenciis et libertatibus suis liberali munificencia racionabiliter dedisse cognoscitur quarum eciam donacionem Hugo Parvus memorati Rogeri heres et filius postmodum in domini Ricardi Cantuariensis archiepiscopi totius Anglie primatis et apostolice sedis legati et Gileberti Londoniensis et Ricardi Exoniensis episcoporum presencia et nostri se ratam et inconvulsam habere professus est a Deo nobis collata auctoritate prescripte Herefordensi ecclesie inperpetuum possidendas confirmamus confirmacionem nostram tam presentis scripti serie quam sigilli nostri impressione munientes salvo nimirum jure Wigorniensis ecclesie et dioecesani canonica justicia et tam dignitate quam libertate ejusdem ecclesie in omnibus reservata et canonica ejusdem dioecesani obediencia Facta est autem hec confirmacio apud Westmonasterium anno Verbi incarnati MC septuagesimo sexto xiiij kalendas Aprilis testibus Roberto capellano magistro Moise Samsone magistro Silun Waltero filio Osmundi Rogero capellano domini Roberti Foliot Herefordensis episcopi Waltero Mapp magistro Eustachio Waltero scriptore Theobaldo clerico Mauricio filio Roberti Rogero de Berchele