Charter Document - 06760034
| Charter Number: | 06760034 |
|---|---|
| Cartulary Title: | Charters and Records of Hereford Cathedral |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1153 - 1163 |
| Date type: | Assigned |
| Resource Link(s): |
|
Charter:
Robertus de Candos universis sancte matris ecclesie fidelibus tam presentibus quam futuris salutem Notum sit omnibus me in presencia domini Roberti episcopi Herefordensis et Gaufridi decani et totius capituli Herefordensis dedisse et concessisse ecclesie sancte Margarete de Walintuna que prebenda est ecclesie sancte Marie de Herefordie et persona ejusdem quicumque fuerit in perpetuam elemosinam dominicam pasturam meam in defensione mea bobus suis communiter cum meis et ii equis exceptis pratis meis que singulis annis falcare consuevi Et cum tempore herbe aput Walintunam venero liberacionem herbe equis suis tanquam meis et de bosco meo ad focum et closturas et domos sibi faciendas et reficiendas et in omnibus necessariis suis cum bobus meis communionem in bosco et in plano et ceteris omnibus Quod quia ratum et inconcussum manere volo presenti scripto et sigilli mei attestacione confirmo et in thesauro Herefordie cartam istam poni volo