Charter Document - 06760024
| Charter Number: | 06760024 |
|---|---|
| Cartulary Title: | Charters and Records of Hereford Cathedral |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1148 - 1154 |
| Date type: | Assigned |
| Resource Link(s): |
|
Charter:
Notum sit tam presentibus quam futuris quod ego Rogerus Parvus dedi et concessi ecclesie sancti Ethelberti ecclesiam de Mortuna et ecclesiam de Wedduna cum omnibus pertinenciis suis in perpetuam prebendam cum Willelmo Parvo fratre meo qui se canonicum reddidit ecclesie sancti Ethelberti de Herefordie Et dedi et concessi angulum virgulti mei de chalamo Willelmi Parvi usque ad vivarium in longum et latum Croftam vinee et croftam que est ab Aquilonari parte ecclesie que dicitur parvum Horefield et croftam rustici que Anglice dicitur Chorlecroft et totum tenementum Warengeri et tenementum Willelmi Wardeden pro quo solebat reddere singulis annis dimidiam marcam et totam decimam mei gurgitis et totam decimam mei feni libere et quiete ab omni consuetudine et preter ista omnes alias libertates quas laico licet dare ecclesie dedi ecclesie sancti Ethelberti Hiis testibus Gilleborto Foliot episcopo Herefordensi Rogero comite Herefordie Hereberto capellano Ricardo filio cancellarii magistro Hugone de Clifford Waltero de Bello Campo capitulo Herefordie