Charter Document - 06760017
| Charter Number: | 06760017 |
|---|---|
| Cartulary Title: | Charters and Records of Hereford Cathedral |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1140 - 1172 |
| Date type: | Assigned |
| Resource Link(s): |
|
Charter:
Radulphus Herefordensis ecclesie decanus ejusdemque ecclesie totum capitulum fidelibus sancte ecclesie filiis salutem Volumus vobis innotescere quatinus concessimus Herveo de Mucegros firmare stagnum molendini sui de Monitona usque in fundum nostrum de Prestone hac condicione ut quamdiu molendinum ibidem fuerit v solidos uno quoque anno ad letare Jerusalem reddat capitulo Et preter hos quinque solidos concessit Herveus nobis figere gurgitem nostrum de Prestona usque in fundum suum de Monitona paulo inferius molendino suo et tenere jure perpetuo sive predictum molendinum ibidem fecerit sive non Et ut hoc pactum ratum et inconvulsum et ecclesie nostre et predicto Herveo et heredibus suis permaneat jure hereditario attestacione presentis sigilli nostri et heredibus confirmamus Valeatis