Charter Document - 06760003
| Charter Number: | 06760003 |
|---|---|
| Cartulary Title: | Charters and Records of Hereford Cathedral |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1070 - 1087 |
| Date type: | Assigned |
| Resource Link(s): |
|
Charter:
Willelmus rex Anglorum Wulfstano episcopo Wigornie et Willelmo filio Osberni et omnibus baronibus et ministris suis de Gloecestrie et Wigrecestrascira salutem Sciatis me concessisse et reddidisse atque confirmasse Deo et sancto Petro de Gloecestra et Serloni abbati et monachis ejusdem ecclesie omnes terras suas quas Thomas archiepiscopus Eboracensis injuste tenebat scilicet Lecche Otintuna Stanedis cum omnibus eisdem pertinentibus sic solutas et quietas sicut ante me recognitum est easdem terras ad ecclesiam prefatam sancti Petri de Gloecestra a sui principio pertinuisse et eundem archiepiscopum nullum jus in illis terris habuisse Quare volo et firmiter precipio ut ecclesia prenominata de Gloecestra has supradictas terras cum omnibus sibi pertinentibus bene et in pace libere et quiete et honorifice teneat cum saca et socna et toll et team et infangenetheof et cum omnibus rectitudinibus legibus et consuetudinibus quas eidem ecclesie nostra regia potestate concessi Et defendo super hoc ne aliquis ei injuriam vel torturam sive calumpniam faciat super foris facturam meam Teste Lanfranco archiepiscopo Cantuariensi Gaufrido episcopo de Constanciis et Roberto comite de Moretana