Charter Document - 06711004
| Charter Number: | 06711004 |
|---|---|
| Cartulary Title: | Chartulary of the Cistercian Priory of Coldstream with relative documents |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1248 - 1258 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi fidelibus has literas visuris uel audituris Henricus de Hassekirke eternam in Domino salutem Nouerit vniuersitas vestra me diuine pietatis intuitu et pro salute anime mee et antecessorum et successorum meorum dedisse concessisse et hac presenti carta mea confirmasse Deo et ecclesie Sancte Marie de Kaldestrem et monialibus ibidem Deo seruientibus et inperpetuum seruituris terram que dicitur Bellingdene cum omnibus suis iustis pertinenciis et preterea terram que dicitur Todderig cum omnibus suis iustis pertinenciis absque aliqua retentione subtractione uel diminutione Tenendas et habendas dictis monialibus de me et heredibus meis in liberam puram et perpetuam elemosinam inperpetuum adeo libere et quiete plenarie et honorifice sicut aliqua elemosina alicubi in toto regno Scocie liberius quietius plenarius et honorificentius et plenius tenetur et possidetur Ego vero Henricus et heredes mei dictas terras cum omnibus supradictis predictis monialibus contra omnes homines et feminas inperpetuum warantizabimus defendemus et acquietabimus Subieci insuper me et heredes meos iurisdictioni archidiaconi Theuidalie et decani eiusdem loci qui pro tempore ibidem fuerint qui nos sine aliqua contradictione per censuram ecclesiasticam si necesse fuerit compellere possint tam ad warantizandum et defendendum dictas terras cum suis pertinentiis quam ad satisfaciendum dictis monialibus per visum virorum fide dignorum de iniuriis et iacturis ob defectum warantie mei et heredum meorum eisdem illatis In cuius rei testimonium presenti scripto sigillum meum apposui Hiis testibus Domino Patricio Comite de Dunbar Roberto Dei gracia abbate de Kalkou Dominis Willelmo filio comitis et Ranulpho de Bonekil Dominis Johanne de Sancto Micaele Andrea de Sintun Allexandro la Uache militibus Allexandro de Cheshelme Radulpho Locke Dominis Galfrido Ada Johanne capellanis de Kaldestrem Waltero de Staueley Radulfo de Mulynaus Waltero de Dercester et multis aliis