Charter Document - 06711003
| Charter Number: | 06711003 |
|---|---|
| Cartulary Title: | Chartulary of the Cistercian Priory of Coldstream with relative documents |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1263 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Alexander Dei gracia Rex Scottorum omnibus probis hominibus tocius terre sue salutem Sciatis nos sanctimoniales de Kaldestreme terras suas homines suos et vniuersas eorundem possessiones ac bona sua mobilia et immobilia tam ecclesiastica quam mundana sub firma pace et protectione nostra iuste suscepisse Quare firmiter inhibemus ne quis eis malum molestiam injuriam seu grauamen aliquod inferre presumat iniuste super nostram plenariam foris facturam Concessimus eciam eisdem vt nullus namos suos vel hominum suorum capiat pro alicui debito plegiagio vel forisfacto nisi pro eorundem proprio debito plegiagio vel forisfacto saluis burgis nostris firmiter inhibentes ne quis contra bane concessionem nostram ipsos vexare presumat iniuste super nostram plenariam foris facturam Mandamus insuper et firmiter precipimus justiciariis vicecomitibus prepositis et eorum balliuis ad quos presentes litere peruenerint vt omnes illos in balliis suis seu burgis qui debita debent eisdem monialibus que ipse vel eorum certus attornatus lator presencium eis ab eisdem debita rationabiliter probare poterunt vel poterit ad eadem debita eis iuste et sine dilatione reddenda prout iustum fuerit compellant Ita ne pro eorum defectu amplius inde iustam querimoniam audiamus Concessimus eciam eisdem monialibus vt omnibus libertatibus gaudeant quibus temporibus antecessorum nostrorum regum Scocie illustrium et nostris hactenus vse sunt et gauise firmiter prohibentes ne quis eas super hiis contra hanc concessionem nostram vexare presumat iniuste super nostram plenariam foris facturam Testibus venerabili patre J episcopo Glasguensi P Comite de Dunbar Johanne Cumyne et Hugone de Abrnicthyn apud Rokisburch tertio die Maii anno regni nostri xiiij