Charter Document - 06711001
| Charter Number: | 06711001 |
|---|---|
| Cartulary Title: | Chartulary of the Cistercian Priory of Coldstream with relative documents |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1165 - 1166 |
| Date type: | Assigned |
| Resource Link(s): |
People of Medieval Scotland |
Charter:
Ricardus Dei gracia Sancti Andree episcopus Omnibus Sancte Matris Ecclesie filiis salutem Nouerint tam posteri quam presentes me pietatis intuitu concessisse et hac mea carta confirmasse ecclesie Sancte Marie de Kaldestrem et monialibus ibidem Deo seruientibus et seruituris in puram et perpetuam elemosinam ipsum locum cum omnibus ei accidentibus et omnibus beneficiis que Cospatricius comes et Derdere comitissa sponsa eius et Waldeuus filius et heres eorum eidem loco concesserunt et dederunt scilicet in terris et aquis et piscationibus et pascuis et ecclesiis de Lainhall et de Heresille et in omnibus earum pertinenciis Sicut carte eorum testantur et confirmant pro salute animarum suarum et omnium antecessorum et successorum suorum Volo itaque et episcopali auctoritate confirmo ut predicta domus monialium prenominata beneficia uel si que alia in episcopatu nostro fidelium Dei collatione in posterum Deo propiciante pie consequi poterit ita libere et quiete et plenarie teneat et possideat Sicut aliqua domus religionis in dioecesi nostra liberius et quiecius tenet et possidet Testibus hiis Andrea archidiacono Laudoniensi Arnulfo decano Johanne nepote Roberti episcopi G decano de Stiebel Magistro Herberto Alexandro capellano R capellano archidiaconi Magistro Abraham Radulfo de Boilel