Charter Document - 06710057
| Charter Number: | 06710057 |
|---|---|
| Cartulary Title: | Chartulary of the Cistercian Priory of Coldstream with relative documents |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1232 - 1248 |
| Date type: | Assigned |
| Resource Link(s): |
British Library - Harley MS 6670 (f52v) People of Medieval Scotland |
Charter:
Omnibus Christi fidelibus presens scriptum visuris vell audituris Patricius Comes de Dunbar eternam in Domino salutem Noueritis nos pro nobis et heredibus nostris diuine pietatis intuitu concessisse et hac presenti carta nostra confirmasse Deo et ecclesie Sancte Marie de Caldstrem et sanctimonialibus ibidem Deo seruientibus et inperpetuum seruituris omnes terras possessiones et libertatibus a predecessoribus nostris et a nobis et aliis Christi fidelibus similiter datas et concessas seu escambiatas in villis de Hersil et de Laynall et in territoriis earundem villarum cum omnibus pertinenciis suis et eciam Witcester cum omnibus suis pertinencijs terras eciam possessiones et libertates quas habent in villis de Bastynden et de Thornidich et in territoriis earundem cum suis pertinenciis necnon omnes alias terras possessiones et libertates quas habent ex donacione cuiuscunque vel quorumcunque qui in comitatu nostro seu in dominio nostro consistant Tenendas sibi et habendas inperpetuum adeo libere et quiete plenarie pacifice et honorifice sicut aliqua elemosina in regno Scocie liberius quiecius plenius et honorificencius tenetur et possidetur et sicut carte nostre et predecessorum nostrorum et omnium aliorum super predictis donacionibus possessionibus et libertatibus confecte plenius testantur Et si contingat quod absit quod aliquis super predictis possessionibus terris et libertatibus dictis monialibus iniuste iniurietur Nos et heredes nostri iniuriam sibi illatam plenarie sine dilacione secundum assisam regni emendare faciemus Prohibemus eciam omnibus hominibus qui sub dominio nostro et heredum nostrorum reguntur sub plenaria foris factura nostra et heredum nostrorum ne dictis monialibus vel hominibus suis in dictis terris nomine earundem commorantibus molestiam seu grauaminem inferre presumant Nos autem et heredes nostri dictas terras possessiones et libertates cum omnimodis asiamentis suis et iustis pertinencijs eisdem monialibus warantizabimus et contra omnes homines inperpetuum defendemus Ut autem hec nostra concessio et confirmacio rata et inconcusse inperpetuum perseuerent presens scriptum sigili nostri inpressione corroborauimus Hiis testibus Domino P filio nostro Domino Willelmo fratre nostro Domino Roberto fratre nostro Dominis Alano de Harkars P filio Walteri Waltero fratre eius militibus Dominis Alexandro de Hersill Galfrido de Werk Adam de Brankestun capellanis Johanne de Letame Willelmo filioAlani Waltero de Dercestria et aliis