Charter Document - 06710052
| Charter Number: | 06710052 |
|---|---|
| Cartulary Title: | Chartulary of the Cistercian Priory of Coldstream with relative documents |
| Charter Language: | Latin |
| Charter Origin: | Lay |
| Charter Type(s): | Grant, Confirmation |
| Date: | 1238 - 1250 |
| Date type: | Assigned |
| Resource Link(s): |
British Library - Harley MS 6670 (f47v) People of Medieval Scotland |
Charter:
Omnibus hoc scriptum visuris vel audituris tam presentibus quam futuris Johannes de Dunbar burgensis de Beruwyk salutem eternam in Domino Nouerit vniuersitas vestra me caritatis intuitu et pro salute anime mee et animarum patris mei et matris mee et antecessorum et successorum meorum dedisse concessisse et hac presenti carta mea confirmasse domui de Caldstrem et monialibus ibidem Deo et beate Marie seruientibus et inposterum seruientis in puram et perpetuam elemosinam viginti solidos argenti de quadam terra in vico sutorum annuatim percipiendos in perpetuum de terra scilicet quam emi de Symone Cnute que quidem terra jacet inter terram quondam Thome de Notingame ex aquilonali parte et terram Willelmi Anglici ex australi parte Tenendos et habendos dicto domui de Caldstrem et monialibus ibidem Deo et beate Marie seruientibus in puram et perpetuam elemosinam de me et heredibus meis inperpetuum Et vt ista mea donacio et voluntaria concessio rata et stabilis permaneat inposterum Ego Johannes presentem cartam sigillo meo roboraui Hiis testibus Domino Roberto de Bernham tunc maiore de Beruwyk Roberto de Dunelm Roberto Scoto Arnaldo Hauyn Warino de Wyteby Johanne de Hoe Stephano de Hoe Petro de Dunbar Johanne Chaunpunas et multis alijs