Charter Document - 06710050
| Charter Number: | 06710050 |
|---|---|
| Cartulary Title: | Chartulary of the Cistercian Priory of Coldstream with relative documents |
| Charter Language: | Latin |
| Charter Origin: | Religious |
| Charter Type(s): | Grant, Confirmation |
| Date: | 1255 |
| Date type: | Assigned |
| Resource Link(s): |
People of Medieval Scotland |
Charter:
Uniuersis Sancte Matris Ecclesie filijs presens scriptum visuris vel audituris Robertus de Bernham Rector ecclesie de Tyningame salutem in Domino Nouerit vniuersitas vestra me diuine pietatis intuitu concessisse et hac presenti carta mea confirmasse domui de Caldstrem et sanctimonialibus ibidem Deo seruientibus vnam marcam annui redditus in puram et perpetuam elemosinam percipiendam de Rogero filio Martini textoris et heredibus suis vel suis assignatis annuatim pro quadam terra quam predictus Rogerus de me tenet ad feodam firmam que jacet infra villam de Beruwyk in Crosgate inter terram Arturi ex parte vna et terram Johannis Gray ex altera soluendam ad duos anni terminos videlicet medietatem ad Pasca et aliam medietatem ad festum Sancti Michaelis Ego uero Robertus et heredes mei predictam marcam annui reditus sanctimonialibus predicte domus contra omnes homines et feminas warantizabimus defendemus et acquietabimus Vt hec mea donacio et presentis carte mee confirmacio perpetuum robor firmitatis optineat presens scriptum sigilli mei munine roboraui Hiis testibus Domino Matheo de Grenlau tunc maiore de Beruwyk Dominis Warino de Wyteby Adam filio Philippi Thoma de Bernham Johanne Oliuer tunc prepositis et alijs