Charter Document - 06710048
| Charter Number: | 06710048 |
|---|---|
| Cartulary Title: | Chartulary of the Cistercian Priory of Coldstream with relative documents |
| Charter Language: | Latin |
| Charter Origin: | Lay |
| Charter Type(s): | Grant, Confirmation |
| Date: | 1255 - 1263 |
| Date type: | Assigned |
| Resource Link(s): |
People of Medieval Scotland |
Charter:
Omnibus Sancte Matris Ecclesie filijs presentibus et futuris presens scriptum visuris vel audituris W batillarius Burgensis de Bereuuic salutem in Domino Nouerit vniuersitas vestra me diuine pietatis intuitu et pro salute anime et antecessorum et successorum meorum dedisse concessisse et hac presenti carta mea confirmasse Deo ecclesie beate Marie de Caldstrem et sanctimonialibus ibidem Deo seruientibus et inperpetuum seruituris in puram et perpetuam elemosinam quemdam annuum reditum viginti solidorum percipiendum annuatim de quadam terra jacente in Vddinggate in villa de Bereuuic inter terram Symonis Flinc ex parte vna et terram Villelmi aurifabri quam tenet de Abbate et conuentu de Calcoy ex parte altera ad duos anni terminos Videlicet decem solidos ad Pentecostem et decem solidos ad festum Sancti Martini in hyeme Tenendum et habendum dictis monialibus de me et heredibus meis libere quiete plene pacifice et honorifice inperpetuum Ego vero Willelmus et heredes mei predictum annuum reditum viginti solidorum predictis sanctimonialibus de Caldstrem contra omnes homines et feminas warantizabimus acquietabimus et defendemus inperpetuum In cuius rei testimonium presenti scripto sigillum meum apposui Testibus Domino Matheo de Grenelau tunc maiore de Beruuic Thoma de Berham Johanne Oliuer cum alijs in carta expressis