Charter Document - 06710042
| Charter Number: | 06710042 |
|---|---|
| Cartulary Title: | Chartulary of the Cistercian Priory of Coldstream with relative documents |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1254 - 1289 |
| Date type: | Assigned |
| Resource Link(s): |
British Library - Harley MS 6670 (f39v) People of Medieval Scotland |
Charter:
Omnibus Sancte Matris Ecclesie filiis presentibus et futuris has litteras visuris veil audituris Thomas de Rawchburn filius et heres Willelmi de Rawchburne in Domino salutem Nouerit vniuersitas vestra me diuine pietatis intuitu et pro salute anime mee et antecessorum et successorum meorum dedisse concessisse et hac presente carta mea confirmasse Deo et Sancte Marie de Caldstrem et monialibus ibidem Deo seruientibus illud pratum quod vocatur Cammesmedu quod jacet in territorio ville de Thornidich cum suis iustis pertinenciis per suas rectas diuisas sine aliquo retencione subtraccione [vel] diminucione Tenendum et habendum dictis monialibus de me et heredibus [meis] in liberam puram et perpetuam elemosinam adeo libere et quiete plettarie et honorifice sicut aliqua elemosina alicubi in toto regno Scocie liberius quiecius et honorificencius tenetur et possidetur Ego uero Thomas et heredes mei illud predictum pratum cum suis justis pertinenciis predictis monialibus contra omnes homines et feminas warandizabimus defendemus et acquietabimus Subieci me insuper jurisdiccione Archidiaconi Laudonie et Decani de Mersches qui pro tempore fuerit qui nos sine aliqua contradiccione per censuram ecclesiasticam si necesse fuerit conpellere possint tam ad warantizandum quam ad defendendum dictum pratum cum suis pertenencijs quam ad satisfaciendum dictis monialibus per visum virorum fide dignorum de iniuriis et jacturis ob defectum warantie mei et heredum meorum eisdem monialibus illatis in cuius rei testimonium presentibus litteras sigillum meum apposui hiis testibus Domino Hugone de Gurlay tunc temporis senescallo domini mei Comitls Domino Patricio filio Walteri Domino Roberto de Nesbit cum multis alijs in carta nominatis