Charter Document - 06710041
| Charter Number: | 06710041 |
|---|---|
| Cartulary Title: | Chartulary of the Cistercian Priory of Coldstream with relative documents |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1254 - 1289 |
| Date type: | Assigned |
| Resource Link(s): |
British Library - Harley MS 6670 (f38v) People of Medieval Scotland |
Charter:
Omnibus Sancte Matris Ecclesie filijs presentibus et futuris has literas visuris vel audituris Thomas de Rauchburne in Domino salutem Nouerit [vniuersitas] vestra me diuine pietatis intuitu et pro salute anime mee et antecessorum et successorum meorum dedisse concessisse et hac presenti carta me confirmasse Deo et Sancte Marie de Caldstrem et monialibus ibidem Deo seruientibus et inperpetuum seruituris illud pratum quod vocatur Cammesmedu quod iacet in territorio de Thornidich cum suis justis pertinencijs per suas rectas diuisas sine aliqua diminucione retencione vel subtraccione Tenendum et habendum dictis monialibus de me et heredibus meis in liberam puram et perpetuam elemosinam adeo libere et quiete et honorifice sicut aliqua elemosina alicubi in toto regno Scocie liberius quiecius plenarius et honorificencius et plenius tenetur et possidetur Ego Thomas uero et heredes mei illud predictum pratum cum suis justis pertinencijs contra omnes homines et feminas warantizabimus defendemus et acquietabimus Subieci insuper me et heredes meos jurisdiccioni Archidiaconi Laudonie et Decani de Merse qui pro tempore fuerit qui nos sine aliqua contradiccione per sensuram ecclesiasticam si necesse fuerit possunt conpellere tam ad warantizandum quam ad defendendum dictam pratum cum suis pertinencijs quam ad satisfaciendum dictis monialibus per visum virorum fide dignorum de iniurijs et jacturis ob defectum waranticie mee et heredum meorum eisdem monialibus illatis In cuius rei testimonium presenti scripto sigillum meum apposui hiis testibus Domino Hugone de Gurlay tunc temporis senescallo Domini mei Comitis Domino Patricio filio Walteri Domino Roberto de Nesbit Domino Roberto de Polwort Roberto de Pinkerton Waltero de Dercestyr et multis aliis