Charter Document - 06710038
| Charter Number: | 06710038 |
|---|---|
| Cartulary Title: | Chartulary of the Cistercian Priory of Coldstream with relative documents |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1232 - 1248 |
| Date type: | Assigned |
| Resource Link(s): |
British Library - Harley MS 6670 (f34r) People of Medieval Scotland |
Charter:
Omnibus Christi fidelibus presens scriptum visuris vel audituris Tomas de Gordun filius Thome de Gordun salutem Nouerit vniuersitas vestra me diuine pietatis intuitu concessisse et confirmasse Deo et ecclesie Sancte Marie de Caldstrem et sanctimonialibus ibidem Deo et Sancte Marie seruientibus totam donacionem quam eisdem monialibus fecit pater meus videlicet in terris pratis pasturis et omnibus aisyamentis ville de Thornidich exceptis octoginta porcis pro quibus dedi et concessi et confirmaui dictis monialibus in escambium dictorum porcorum pasturam centum ouibus cum ducentis ouibus prenominatis in carta patris vbique in territorio de Thornidich et viginti aueriis cum alijs octoginta aueriis similiter in carta patris mei prenominatis Habebunt autem dicte moniales plenariam pasturam in territorio de Thornidich ad quadraginta equas et ad earum sequelas donet earum sequele ad etatem trium annorum peruenerint Ita scilicet quod Dominus fundi nec aliquis alius defensum alicubi in territorio de Thornidich facere poterit in quo tam dicte eque quam earum sequele et prenominata aueria cum trecentis predictis ouibus libere sine aliqua vexacione et contradictione ire non possint Gaudebunt autem dicte oues preter pasturam de Thornidich communi pastura de Thornidich communi pastura ville mee de Gordun et aisiamento vbique extra bladum et pratum Si autem predicta animalia terminos predicte pasture de Tho[r]nidich versus pasturam de Gordun forte excesserint inde nulla inprecacio vel exaccio fiet Dedi eciam concessi et confirmaui ad incrementum donacionis patris mei pro salute anime mee et omnium antecessorum et successorum meorum dictis monialibus terram illam inter fossatum exitus ville eiusdem de Thornidich in orientali parte et terram a patre [meo] eisdem monialibus prius collatam in liberam puram et perpetuam elemosinam Volo autem ut dicte moniales hanc terram cum alijs terris et ceteris in carta patris mei prenominatis habeant teneant et possideant cum omnibus libertatibus et aisiamentis ville mee de Thornidich adeo libere et quiete plenaria et honorifice sicut aliqua elemosina liberius plenius et quiecius alicubi in toto regno Scocie tenetur et possidetur Si uero predicte moniales ibidem habuerint homines manentes vel predictas terras ad firmam dederint eos qui eas habuerint vel tenuerit vtentur communibus aisiamentis dicte ville de Thornidich tam in pasturis et in focalibus quam libertatibus molendini videlicet ut tam homines dicti quam predicte moniales molent bladum quod coluerunt vel habuerunt ex dono patris mei et mei in territorio de Thornidich ad molendinum meum omnino sine multura si eas ibi placuerit molere ita quod moletur statim post illud quod fuerit supra trimodiam omni tempore inperpetuum nisi fuerit bladum meum dominicum vel ducent bladum suum alias vbicunque eis melius placuerit Hiis testibus Patricio filio Domini Comitis Domino meo Domino Willelmo fratre Comitis Domini Ricardo Mautelent Domino Willelmo de Veteriponte juniore Domino Alano de Harkarres Domino Thoma Grim Roberto de Letham Waltero capellano de Caldstrem et multis aliis