Charter Document - 06710037
| Charter Number: | 06710037 |
|---|---|
| Cartulary Title: | Chartulary of the Cistercian Priory of Coldstream with relative documents |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1232 - 1248 |
| Date type: | Assigned |
| Resource Link(s): |
British Library - Harley MS 6670 (f32v) People of Medieval Scotland |
Charter:
Omnibus Christi fidelibus presens scriptum visuris veil audituris Thomas de Gordun filius Domini Thome de Gordun militis salutem Nouerit vniuersitas vestra me concessisse et confirmasse Deo et ecclesie Sancte Marie de Caldstrem et monialibus ibidem Deo et Sancte Marie seruientibus totam donacionem quam eisdem monialibus fecit pater meus Videlicet in terris pratis pasturis libertate multure et omnibus alijs aysiamentis villarum de Thornidiche et de Gordun prout melius et plenius in carta patris mei continetur exceptis octoginta porcis pro quibus dedi et concessi et confirmaui dictis monialibus escambium dictorum porcorum communem pasturam tam in Thornidiche quam in Gordun centum ouibus cum ducentis ouibus prenominatis et vigenti auerriis cum alijs octoginta aueriis in communi pastura de Thornidich in carta patris mei prenominatis Dedi eciam concessi et confirmaui ad incrementum donacionis patris mei pro salute anime mee et uxoris mee et patris mei et matris mee et omnium antecessorum et successorum meorum dictis monialibus terram illam que jacet inter fossatum exitus ville et terram a patre meo prius eisdem collatum in liberam puram et perpetuam elemosinam Volo autem vt dicte moniales eandem terram teneant et possideant cum omnibus alijs libertatibus in carta patris mei prenominatis adeo libere quiete plenarie et honorifice Sicut aliquam elemosinam liberins quiecius et plenius in toto regno Scocie teneant et possedent Hiis testibus Patricio filio Domini Patricii Comitis Domino meo Domino Willelmo fratre comitis Domino Ricardo Mautelent Roberto de Hetley Alano de Hertishede Roberto de Letham Waltero capellano de Caldstrem et multis aliis