Charter Document - 06710036
| Charter Number: | 06710036 |
|---|---|
| Cartulary Title: | Chartulary of the Cistercian Priory of Coldstream with relative documents |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1200 - 1225 |
| Date type: | Assigned |
| Resource Link(s): |
British Library - Harley MS 6670 (f31r) People of Medieval Scotland |
Charter:
Omnibus Sancte Matris Ecclesie filijs et fidelibus ad quos presens scriptum peruenerit Thomas de Gordun salutem Nouerit vniuersitas vestra me dedisse concessisse et hac presente carta mea confirmasse Deo et Sancte Marie et conuentui de Caldstrem ibidem Deo et Sancte Marie seruienti totam communem pasturam [de Thornidich] ad quadraginta equas et earum sequelas donet earum sequele ad etatem trium annorum peruenerint et ad octoginta animalia et ad octoginta porcos et ad ducentas oues Ita quod oues preter predictam pasturam de Thornidiche gaudebunt communi pastura et aisyamento de Gordun quatenus attingere possunt Si autem predicta animalia et porci terminos predicte pasture de Thornidyk versus pasturam de Gordun forte excesserint inde nulla exaccio exigetur Optentu autem predictorum animalium porcorum et ouium in terra sua nullum stachium faciet predictus conuentus predictam uero pasturam et aisiamentum predicto conuentui vt premissum est confirmaui pro salute anime mee et omnium antecessorum et successorum meorum Tenendam scilicet et possidendam inperpetuum de me et heredibus meis in puram et perpetuam et liberam elemosinam libere et quiete pacifice et plenarie et honorifice ab omni exaccione demanda et seruicio seculari sicut aliqua elemosina liberius plenius et quiecius in toto regno regis Scocie tenetur et possidetur hiis testibus Domino Comite P Patricio filio eius Willelmo Patrici Rogero Malolupulo H archidiacono de Dunkelden Johanne de Letham et aliis